📚 Биһирэм кыттыылаахтара, ыалдьыттар Алампаттан таптыыр хоһооннорун ааҕыылара дьон сэҥээриитин ылла. Ол курдук, нэһилиэкпит ытык эбээтэ В.П.Харайданова Алампа "Сүбэ" хоһоонун кытта бэйэтин анабыл хоһоонун ,кини хос сиэнэ Айсена "Туллук-туллук доҕоттору" ааҕаннар истээччилэри үөртүлэр. Куораттан В.В.Пинигина- Арылы хоһоонун М.С.Попова видеонан , Алампа аатынан Ытык Күөл орто оскуолатын 6"а" кылааһын үөрэнээччилэрэ (салайааччы Г.Ф.Им) бөлөҕүнэн ,"Саха ырыата"хоһоону Колмогорова А.П.ааҕаннар тэрээһини киэргэттилэр. Ытыктыыр бэтэрээн учууталбыт С.К.Архипова , Алампаны үйэтитиигэ үгүс үлэни ыыппыт М.Л.Архипов саҥа кинигэ туһунан санааларын үллэһиннилэр,Светлана Климентьевна улахан махталын биллэрэн Алампа хоһоонун аахта, ырыатын ыллаата.

Биһирэм иккис чааһыгар остуол тула олорон
🪗 байаанынан "Сүрэхтэн сүппэт ырыалары" күндү ыалдьыппыт Пантелеймон Романович баяҥҥа , гитараҕа доҕуһуолунан үгүс ырыа астына -дуоһуйа ылланна. Истиҥ сэһэргэһиигэ кыттыбыттар Алампабыт өлбөт-сүппэт айымньыларын мөлтөхтүк көрөр дьон ааҕар, билэр кыахтаммыттарын олус биһирээтилэр, кинигэни таһаарбыт ыалдьыттарбытыгар сүҥкэн махталларын тиэртилэр.
Биир дойдулаахпыт Алампабыт 140с.үбүлүөйүн көрсө бастакы тэрээһин бу курдук үөрүүлээхтик ааста.