Муус устар 17 күнүгэр "ӨРӨГӨЙ" спорт дыбарыаһыгар "Үс түмсүү" тэрийэн ыыппыт "Эр санаа" ырыа күрэҕэр дьоһун Дьохсоҕонтон төрүттээх Роман Иванов бэйэтин мелодиятыгар Айаанньа Уус тылларыгар "ХАПСАҔАЙ" ырыатынан кыттан  2 миэстэни ылан Карабин саанан наҕараадаланна. Биир дойдулаахпытын Романы бу дьоһун ситиһиитинэн үөрэбит, астына киэн тутта ааттыыбыт, эҕэрдэ эриэккэһин этэбит!
Бу ырыа былырыын о.э. 2020с айыллыбыта,  ону сэргэ номнуо 7 ырыа күн сирин көрдө. Быйыл дойдутугар кэлэн "ЭҔЭРДЭ, ДОЙДУМ!" диэн айар киэһээтин өрө көтөҕүллэн туран бэлэхтээбитэ дьон эрэ сүргэтин көтөхтө.
Ыччаппытыгар Ромаҥҥа АЙАР ААРТЫГЫН АРЫЛЫННЫН, ТУОЙАР ТОЙУГУН ТОЛОРУ БУОЛЛУН диэн алҕыыбыт. 
Изабелла Жараева