Ытык таатта ыһыаҕар Арассыыйаҕа Сомоҕолоһуу, Саха сиригэр Култуура, Таатта улууһугар Айар Ситим сылларынан «Үрүҥ тунах оһуохайа» улуус баһылыгын бирииһигэр нэһилиэк бастыҥ оһуохай этээччилэр түһүлгэтэ төрүттэннэ.
🌿🌿🌿🌿🌿
Ыам ыйын 25 күнүгэр - Оһуохай күнүгэр Таатта улууһун баһылыга А.С.Бурцев оһуохайдьыттары кытта көрсүһүүгэ ыһыахха "Үрүҥ Тунах оһуохайа" түһүлгэ ыытылларын торумун тула кэпсэтии буолбута.
Күүтүүлээх күн үүнэн, өрөөбут уостарын өһүлэн, хоммут уостарын хонуннаран 5 нэһилиэк күүскэ бэлэмнэнэн күөн-көрүстүлэр.
Айар Ситим сылынан түөрт көлүөнэ оҕо,ыччат,орто саастаах, аҕа саастаах этээччилэр бөлөх тэринэн, биллэриллибит сылларга, үбүлүөйдээх өрөспүүбүлүкэ бөдөҥ салайааччыта Андреев А.К. туһуланан оһуохай тыла эйээрэ көттө.
Дьүүллүүр Сүбэ быһаарыытынан
🏆Кылаан Кыайыылааҕынан Дьохсоҕон нэһилиэгэ (И.Потапов, Л.Попова, И.Наумов, А.Попова)
Таатта улууһун дьаһалтата 100 000 солк. сертификатынан
⚜️ I Үрдэл Таатта нэһилиэгэ (Р.Докторова, П.Татаринова, А.Семенова, А.Аржакова)
Саха Өрөспүүбүлүкэтин коммунальнай хаһаайыстыбатын унитарнай тэрилтэтэ 50 000 солк. сертификатынан
⚜️ II Үрдэл Тыараһа нэһилиэгэ (А.Иванова, И Белин, Ат.Чехордуна, Дь.Чехордун) улуустааҕы норуот айымньытын дьиэтин 20000 солк. сертификатынан
⚜️ III Үрдэл Октябрьскай нэһилиэк (С. Андреев, С.Винокурова, М.Прохоров, В.Попова)
Алмазэргиэнбаан туруорбут 15 000 солк. сертификатынан
наҕардаадаланнылар.
⚜️Оһуохай бастыҥ кыначчытыгар Т.Яковлеваҕа (Чөркөөх), бастыҥ кыначчыттарынан ааттаммыт Дьохсоҕон оҕолоругар анал бириистэри туттардылар.
🌿Түмүккэ улуус баһылыга А.С.Бурцев көһө сылдьар чороону, сертификаттар норуот айымньытын дьиэлэрин материальнай-техническэй базалара бөҕөргүүллэригэр туһуланарын бэлиэтээн, эҕэрдэ тылын этэн кыайыылаах  нэһилиэккэ туттарда.
⚜️Тэрийээччилэр саха төрүт үҥкүүтүн өйөөн, бэйэлэрэ баҕа өттүнэн бириис туруорбут Саха Өрөспүүбүлүкэтин коммунальнай хаһаайыстыбатын унитарнай тэрилтэтэ генеральнай дириэктэригэр Чикачев В.С., Алмазэргиэнбаан салайааччытыгар Аргунова М.Б. тэрийээччилэр ааттарыттан барҕа махталарын тиэрдэллэр.